قـــیــزلار
اوغلان‌لارین، اوره‌یینه قان سالدیز
منیم‌ده عاغلیمی، آلیسیز قیزلار
تیتره‌ییر، اویناییر سینه‌لر بودلار
میلّتی گوناها، سالی‌سیز قیزلار
***
لی شالوار چیخادان، ائوین ییخیلسین
دار مانتونو تیكن، بیرنین اؤولسین
دسمالا شال دییَن آغزین اَییلسین
مؤمن‌نین اوره‌یین چالی‌سیز قیزلار
***
بیر باتمان یاغ چكیب، آغزی بیرنی‌نا
تاماهلانیر آدام نازیح بوینونا
شیطان دئییر هوببولاسان یانی‌نا
خالقین ایمانی‌نی تالی‌سیز قیزلار
***
گونده بیر ائلچی‌نین، قویروغون اَزیر
اؤزونه، اؤزگویه، مین اویون بَزیر
چارشاب اورتور، فیسبوك‌دا لوت گزیر
اینانین مین هاوا، چالی‌سیز قیزلار
***
قیزلار، ایندی بیرآز، آزالیر اوغلان
یولداشی مانقالدی، ماشادی، قلیان
یا آختاریر سحر آخشام، بئش قیران
مگر سیز یادلاردا، قالی‌سیز قیزلار؟
***
اوزه گتیرمیسن، گونلون اَر ایستیر
اؤزوده پوللوسون چوخ بَتر ایستیر
فرقی یوخ مهندیس، كارگر ایستیر
اوغلانین ایزینی، یالی‌سیز قیزلار
***
دئسم آلیم سنی، دییرسن اولماز
فیكر ایلیسن اینسان، سولماز، قوجالماز
جینسی ساخلاما قیز، بو باهالاشماز
سیز مین ایل دونیادان، دالی‌سیز قیزلار
***
بئله گئدسه ائولرده قالاجاق‌سیز
یاشلانیب، سینیخیب، تئز سولاجاق‌سیز
بیر گون بیر حاجی‌یا، صیغه اولاجاق‌سیز
سعادت باده‌سین، جالی‌سیز قیزلار
***
فیكره جوم بو سؤزدن، آما بولانما
چالیش اوره‌یه گیر، یئره جالانما
سؤز ایله بوردادی، هدر دولانما
خوشام كی سؤزو تئز، آنلی‌سیز قیزلار
***
آخار سو باغریندا، گول‌سوز، چیچك‌سیز
گویدن، یئره قونان، گؤزل ملك‌سیز
یاشاییش جیسمینه، قانسیز، اوره‌ك‌سیز
دونیانین اَن شیرین، بالی‌سیز قیزلار
اسماعیل كنعانی 22/1/93