ایلقار
یاشاییش حسرتین دوغما قارداشی
اوتوندا کول اولدوم، یانمادیم ایلقار!
گولدوروب آغلادان گؤزل دونیانی
گؤردوم‌ده چوخ دوغرو سانمادیم ایلقار!
مین یول، مین دیل‌ایله سویولدو قانیم
یالان سؤزلر ایله دانیلدی سانیم
یئرلرده سوروندو یوکسه‌لن شانیم
ازیلدیم، کوکومو دانمادیم ایلقار!
دیلیم یاساقلاندی، سؤزلر قالاندی
آلوولاندی اوره‌ک، عومروم تالاندی
ایسته‌یین بویادی، مین اوزه سالدی
بایقوشون سؤزونو قانمادیم ایلقار!
ماهنی‌لار کسیلدی اوبا، باغیمدا
اؤزگه ساییلدیم من اؤز تورپاغیمدا
یازیلسین قبریمه اؤلن چاغیمدا
دویمادیم، یوردومو آنمادیم ایلقار